Þá veit ég það

"You would fall for the sensitive guy. You'll find your future man wherever turtlenecks are sold. He will have depth, introspection, and a disturbing knowledge of musical theatre. And he may be a little weird. But hey, while your girlfriends cry over broken hearts, you'll be having Shakespeare read to you every night."

Af því að ég er pínu tölvuþroskaheft (of mikið af voltaren retard?) þurfti ég að koppí peista þetta þarna inn. Sá þetta hjá henni Bergrósu sem hefur ekki sama smekk og ég. Þá er bara að finna út hvar rúllukragapeysur eru seldar...

Óheppið

Klósettferðarsaga

Strengir

Ég er með harðsperrur í fótunum. Ekki vegna þess að ég hafi verið svo dugleg í ræktinni. Ekki heldur vegna þess að ég hafi farið í langan göngutúr upp á fjall í útilegunni sem ég var í síðustu nótt. Ég þurfti bara svo oft að pissa úti að ég er með harðsperrur í lærunum. Mig grunar að ég verði sérlega illa úti vegna þess að ég get haldið svo lengi í mér að loksins þegar ég pissa er ég svo lengi að því að sýruverkirnir eru fyrir löngu orðnir óbærilegir þegar ég loksins er búin.
Þess má einnig geta að ég fékk harðsperrur í kálfana í vikunni sem leið eftir að hafa verið klukkustund í barnalauginni í Laugardalnum. Ekkert sund og ekki neitt, bara hokin í barnalauginni og þá koma harðsperrur í heimsókn.

Loksins

AAAHHHHH(feginleikastuna)

Búin með fyrirlesturinn sem við erum búin að vera að undirbúa í nokkra daga. Gekk vel, sjarmeruðum Helga Valdimarsson og félaga upp úr skónum. Náði meira að segja að segja ónæmisfræðibrandara, svona er ég nú sniðug.

Kaus í dag, rétt að sjálfsögðu, og kom við niðri á Suðurgötu svo þau sem ég treysti geti komið atkvæðinu til skila. Fékk líka einstaklega pent barmmerki úr smiðju m.a. Stefáns Pálssonar ofurbarmmerkjagerðarmanns. Það er komið í gallajakkann og er einmitt bleikt þannig að það smellpassar!

Í sjónvarpinu í kvöld voru umfjöllunarþættir um annars vegar Vinstri græna og hins vegar sjálfstæðisflokkinn. Alveg gjörsamlega út í hött að hafa þetta ekki með sama sniði, Kolbrún Bergþórsdóttir (heitir hún það ekki annars) að tala við Geir Haarde bulla eitthvað um hvað blátt er gott og hins vegar einhversemégmanekkihvaðheitirenheitirkannskiVilli talar við áberandi fólk í Vinstri grænum segja hvað skiptir máli. Ég er kannski ekki alveg hlutlaus en Vinstri grænir koma mun betur út í þessu, alveg ótrúlega pínlegt að heyra Geir svara spurningum eins og hvernig sjálfstæðisflokkurinn stendur í jafnréttismálum eftir að hafa sagt hrikalega hluti um að það sé hægt að ríða hverri sem er... Og svo er hún Þorgerður Katrín alltaf höfð með, svona til að sýna að þeir (ég endurtek þeir) aðhyllist jafnrétti. Ég fæ bara engan veginn skilið hvernig fólk fær sig til að kjósa flokk(a) sem bera ábyrgð á því að Ísland studdi innrásina í Írak (þó það væri ekki annað), að þeir fátæku verða fátækari og þeir ríkari ríkari og hefur fólk innanborðs sem getur aldrei tekið ábyrgð á því sem þau asnast til að gera (ok kannski stundum, en bara á því örfáa góða sem þeir gera). Gott dæmi um það er þegar Árni Mathiesen neitaði því að tölur sem voru lesnar upp á borgarafundi í sjónvarpinu væru réttar því þær komu illa út fyrir hann og vini hans.

Ég er orðin dálítið spennt að horfa á Evróvisjón. Verst að þetta er ekki bara einn stór Norðurlandagagnrýniþáttur, þeir eru svo skemmtilegir

Æ

Ekki vil ég lenda í

sjaldgæfra-blogga-möppunni í uppáhöldunum hennar Láru Bryndísar þannig að ég finn mig tilneydda til að blogga þó ekki verði nema smá  - sjáum til.

Mig minnir að ég hafi aldrei sagt frá Danmerkurferðinni um páskanna þannig að ætli það sé ekki best að byrja á því.

Ég keypti að sjálfsögðu skó, 4 pör í þetta skiptið (þó eiginlega 3og1/2 því eitt parið voru bara sandalar þó auðvitað sé ekkert sem heitir bara sandalar eins og Gunna Maja komst að orði). Síðasta föstudag var ég í spariskónum sem ég keypti og það vantar smá stykki úr tá, það er þó allt í lagi því þetta er táin við hliðina á vangefnu tánni og ef hún minnkar hlýtur sú undarlega að virðast stærri ekki satt? Þannig að í raun eru þessir skór að laga vangefnu tánna...

Þess má geta að ég hef ekki orðið vör við strauma í bleiku skónum, nema kannski öfundarstrauma frá öllum sem vilja eiga alveg eins skó og ég. (fyrir þá sem ekkert skilja þá segir sagan að það séu búið að banna crocs skó á sjúkrahúsi í Svíþjóð vegna þess að þeir leiði svo mikið rafmagn, sel það nú ekki dýrara en ég keypti það)

Á leiðinni út til DK keypti ég mér voða fínan síma í nýju Elko búðinni í Leifsstöð. Var voða spennt að eiga svona fínan nýjan síma sem þarf ekki stanslaust að huga að batteríinu í en viti menn/konur, ég þarf að hlaða hann annan hvern dag sem er nú lítið betra en á hverri nóttu þannig að nú bíður hann eftir því að einhver skoði hann í Hátækni til að athuga hvort hann sé í lagi. Fólk ,,í bransanum" vill samt meina að þetta sé eðlilegt, hann eyði svo mikilli orku en mér finnst þetta ekki eðlilegt og fjandinn hafi það, ég læt ekki bjóða mér að kaupa síma á 20 þúsund krónur og þurfa að hlaða hann oftar en - eh eitthvað sem þarf að gera á um það bil 3 daga fresti. Og já, Elko í Leifsstöð telur sig vera undanskilið þeirri fullyrðingu á heimasíðu Elko að það sé 30 daga skilafrestur á vörum sem eru keyptar þar. Þið getið rétt ímyndað ykkur hvað ég er glöð!  (þessi er öskrandi, ekki að gera klósettsvip)

En já ferðin, kósíheit par exelans lýsa henni vel. Svaf oft til hádegis, held ég hafi borðað nammi á hverjum degi svo ekki sé minnst á páskaeggið sem ég borðaði, kláraði nú samt ekki minn páskaeggjaskammt og fjölskyldan á Jagtvej 59 íbúð 1 mun væntanlega eiga páskaegg til jóla að minnsta kosti. Minnir að það hafi verið 6 stykki eftir þegar ég fór heim!
Þegar ég fékk allra náðarsamlegast að horfa á DVD fyrir Helga Gný sem var misliðlegur hvað það varðaði (hann langaði bara að horfa á Pétur Pan sem við vorum öll búin að sjá minnst 5 sinnum  ) sá ég ýmsar teiknimyndir sem ég átti eftir að sjá. Ég er farin að ,,fá fiðring í stertinn", hugsa mikið um gildi fegurðar út frá snilldinni í Shrek (og hlakka mikið til að sjá mynd númer þrjú!) og ræsisrottulíf finnst mér ansi magnað eftir að sjá Skolað niður.
Það eru svo margir sem segja að það sé asnalegt að þýða teiknimyndir eða taka þá afstöðu að vilja ekki sjá þær nema á ensku en vá hvað Íslendingar eru góðir í að talsetja. Það eina sem ég myndi setja út á er að lögin fyndist mér mega þýða oftar, eins og til dæmis í Skolað niður þegar þau hafa tilgang þannig að börnin þurfa að skilja hvað textinn í þeim þýðir.

Ég gerði nú fleira en að kaupa skó og horfa á DVD í Danmörku, ótrúlegt en satt. Fórum í dýragarðinn í Odense sem er rosa sniðugur, í miðri borg og hægt að hlaupa/hjóla í gegn á stíg sem er samt utan garðsins sjálfs (Hildur hefur þó orðið fyrir munnlegri árás ljóns þar). Fórum líka rosa fínt út að borða á afmælisdeginum hennar Jóhönnu, við Jóhanna pöntuðum reyndar fyrir mikil mistök fisk - hverjum myndi detta annað í hug en að fjæsen þýði fasani???!!!

Svo þegar heim var komið liðu tveir dagar og þá tók við Fræðilegrar aðferðarpróf (tölfræði/aðferðafræði) sem ég á ennþá eftir að fá út úr en hey, það hlýtur að hafa reddast... 6 dögum eftir það (og 3 dagar í vinnu á milli) var próf í verklegri samskiptafræði, þ.e.a.s. bæði í líkamsskoðun og samtalstækni. Þetta tókst alveg ágætlega, fengum strax að vita hvernig okkur gekk. Kvöldið áður en ég fór í það próf kom Gunna Maja til mín og kenndi mér allt eins og hún kunni það þannig að ekki bara þurfti ég að kunna þetta heldur líka læra það NÁKVÆMLEGA eins og hún, allt í réttri röð! En það borgaði sig heldur betur, var lítið stressuð og bar mig eins og ég hefði aldrei gert annað

Síðustu helgi var vísindaferð í GlaxoSmithKlein sem heppnaðist svona líka vel, ekkert bíðiðmeðanégtalasvomegiðþiðfáaðdrekka-vesen. Fengum vel að drekka og borða, svo talaði maðurinn aðeins við okkur (þau sögðu okkur meira að segja að taka nesti í fyrirlestrarsalinn!) og svo meira drekk+borð og svo á Barinn þangað sem rauðvínsflaska fékk að fljóta með í rúmri konutösku. Í stuttu máli endaði þetta þannig að ég var ekki enn orðin þunn á seminarfundi morguninn eftir...

Jæja, ég hlýt að haldast á ósjaldgæfra-blogga listanum um hríð í viðbót eða hvað Frú Lára? Það virkar greinilega að hóta mér.

Fróðlegt

Á meðan